tag:blogger.com,1999:blog-22348467022905061922024-03-14T03:09:26.778+08:00台語講古觀今宜鑒古,無古不成今。
歡迎逐家來聽古早人ê 故事。Tâi-tang ê Tshong-lîmhttp://www.blogger.com/profile/13796261266474494184noreply@blogger.comBlogger17125tag:blogger.com,1999:blog-2234846702290506192.post-40618419929981482212010-02-28T22:51:00.003+08:002010-03-01T17:14:43.772+08:00老子kah伊ê薪勞<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/tshi-kah.mp3&loopMe=no" type="application/x-shockwave-flash" width="30" wmode="transparent">時間:4分53秒<br />
<br />
Tsit擺,欲來講一e5老子e5故事。咱攏知影老子是道教e5開基元祖。有真濟有關著老子e5傳說。道德經tsit本冊就是老子當時ti7函谷關欲出隱西方e5進前,所著作--e5。<br />
<br />
<br />
聽講,老子ti7中原e5時陣,生活kah一般人仝款,並無啥物神奇e5所在。伊有倩一e5薪勞(佣人)叫徐甲,替伊huat8落生活,當初時有講一月日e5薪水是100 e5錢。Tann a2開始,老子攏有照月日,付薪水予徐甲,m7閣尾--a就一直攏無予伊薪水--a。徐甲並無欠用著錢,所以也歹勢ka7老子開嘴,m7閣,伊一直攏有teh記數,逐個月記,時間過得真緊,嘛m7知經過了幾年,年久月深,老子可能早就be7記得愛付月俸予徐甲tsit件代誌--a。<br />
<br />
到kah有一天,徐甲知影老子看破東周e5氣數,ti2欲離開中原,往西方安息國隱居,伊無想欲tue3老子去安息國hit種艱苦所在食苦,伊tsiah想著欲ka7老子討工錢。伊就央人替伊寫一張討數(siau3)e5文書,tsit e5人一下算,攏總大約是30萬錢,換作時間,總共已經過了200幾年--a。替伊寫文書e5人驚一tio5,想講tu2著一e5仙人,m7敢怠慢,而且閣欲ka7伊e5查某囝嫁予徐甲,徐甲看了有甲意,就ka7伊娶起來做某。<br />
<br />
Tsit e5時陣,老子已經來到函谷關,tua3 ti7關主尹喜遐。徐甲隨就趕到位,theh8出伊e5討債書,老子看了有淡薄仔受氣,就講,我m7是bat ka7你講過,你若tue3我到了安息國,就欲予你黃金tu2數,是你家己beh放棄--e5,而且,真早以前,我m7是bat予你吞一張符令,你m7才會當活到tsit陣,這嘛會用哩tu2數--e5-a。徐甲無接受tsit種講法,老子就叫徐甲ka7頭tam3 tam3,ti7徐甲e5 kha-tsiah-phiann 搭一下,徐甲隨就吐出一張e5符令,吐了後,徐甲隨時化作一堆e5白骨。<br />
<br />
尹喜看在眼內,知影老子是道行深高e5仙人,替徐甲求情講,伊願意替徐甲還這筆錢,求老子閣ka7徐甲救轉來。老子m7是真正欲予徐甲就按呢死--去,閣ka7彼張符仔化ti7白骨頂面,徐甲隨就閣回復倒轉來。<br />
<br />
徐甲theh了伊e5錢,回轉到中原,kah in某過著幸福美滿e5日子。尹喜嘛拜老子為師,ti7老子著作道德經e5期間,認真修練,最後嘛得了真道,隨老子成仙而去。<br />
<br />Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-79844784656499232002010-02-28T22:35:00.002+08:002010-03-01T19:43:04.137+08:00賣米者ê長生術<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/be-bi-tsia.mp3&loopMe=no" type="application/x-shockwave-flash" width="30" wmode="transparent">時間:5分58秒<br />
<br />
古早時代,有一e5賣米e5米商,叫做李玨(kak),伊是廣陵江陰人。厝裡代代攏是白米買賣e5米商。Ti7彼個時代,做生理e5人多數掠足大賺,也就是一般人所講e5無奸不成商。政府有規定買賣米e5斗仔愛仝款,m7管是糶(thiò)出抑是糴(tia̍h)入,攏愛用仝一e5斗仔,m7閣,政府e5規定無啥人遵守,猶原是糴入用大斗,糶出用小斗。李玨in tsit間khah無仝款,李玨e5老爸遵照政府e5規定買賣,顛倒予同行e5米商恥笑。尾--a,tsit間店交予李玨經營,李玨m̄-nā延用老爸e5用斗方式,而且m7管是糴入抑是糶出,盡量予人客家己量斗,所以利sun5比以早閣khah少,m7閣,薄利多銷,生理比以前閣khah好。伊tsit種做法予in老爸知影了,不但無ka7伊責罵,而且呵咾講李玨有道德。李玨一世人賣米,賣到了八十歲。M7閣ti7伊六十歲彼年,李玨遇到一e5道士,學了胎息之術,而且ka7名改做李寬。<br />
<br />
後來,官府來了一e5節度使,名嘛號做李玨,是一e5外放e5相爺。有一e5閒暗,節度使半暝做一e5夢,伊夢見家己到了一e5山洞,洞口e5花開真濟,景色真sui2,鳥隻嘛ti7洞口飛kuan5飛低,叫聲清脆婉轉,天頂e5彩雲飄飄,瑞氣萬千。行入洞內,亭台樓閣,邊a閣有一港清幽e5泉水。李玨想講,tsia 應該是仙人le tua3 e5所在無m7著。李玨si3 ke3 行行--le,伊看著一片石壁,頂kuan5刻真濟人名,忽然間,伊看著伊e5名李玨予人刻ti7頂面,伊真歡喜,想講:可能是伊tsit世人做宰相做了真濟德澤百姓e5代誌,上天有感應,才會ka7我e5名刻ti7 tsia,我已經會當做仙a。李玨愈想愈歡喜,tsit e5 時陣,有二e5仙童行ua2來,伊就問仙童講,石壁頂e5李玨是m7是就是伊,仙童講,he是江陰賣米e5李玨,m7是相爺你喔。 <br />
<br />
透早一起--來,昨暝e5夢境猶歷歷在目,伊愈想愈奇怪,就派人去江陰找賣米e5李玨,m7閣賣米e5李玨早就改名作李寬啊,而且年歲大退隱真濟年啊,所以一時嘛問無李玨tsit e5人。節度使李玨並無死心,伊命令江陰e5縣官用心去找,尾--a,總是去予找著。李玨派了馬車去邀請伊來府裡,非常好禮來接待,李寬雖然老啊,嘴鬚白siak siak,m7閣精神猶原足好。李玨知影李寬是有道行e5人,所以以道兄來稱呼。幾工後,李玨將伊e5夢境講予李寬聽,而且向伊請教道法仙術,李寬講伊be7曉啥物仙術。經過再三e5了解,tsiah知影原來李寬做生理看輕利sun5,厚待人客,積了陰德,受到上天e5加封,tsiah會留名ti7仙洞e5石壁頂kuan5。 <br />
<br />
李寬活到100歲,欲過身嘛無病無苦。過身e5第三工,伊e5家屬發現李寬e5棺木去予pit去,眾人掀開棺材,kan-tann7看著李寬e5衫褲niâ,李寬已經金蟬脫殼,升天而去--a。Tâi-tang ê Tshong-lîmhttp://www.blogger.com/profile/13796261266474494184noreply@blogger.com5tag:blogger.com,1999:blog-2234846702290506192.post-13737596318707975732010-02-26T22:45:00.015+08:002010-03-01T10:15:50.150+08:00瀏覽時可能tu2著e5一寡問題?1.一半字仔羅馬字有亂碼e5問題:<br />
彼是因為你e5電腦無裝台灣羅馬字字型e5關係。<br />
Tshih8這e5連結會當<a href="http://taigi.fhl.net/TP/twu.ttf"><span style="background-color: #fce5cd;">下載Taigi Unicode</span></a>字型。<br />
<a href="http://taigi.fhl.net/TP/taigi_unicode_font.htm"><span style="background-color: #fce5cd;">欲知影按怎安裝字型,請連結這e5網頁e5說明。</span></a><br />
2.be7當聽聲音e5問題:<br />
可能是你e5瀏覽器是IE8,或者是其他e5問題。<br />
IE7以下e5版本無問題。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-74541791462803068942010-02-23T14:07:00.003+08:002010-02-28T20:21:10.159+08:00壽比南山<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/siu-pi-lam-san.mp3&loopMe=no" type="application/x-shockwave-flash" width="30" wmode="transparent">時間:5分54秒<br />
<br />
每一擺,咱欲ka7人祝壽e5時陣,攏會講一寡好聽話,上捷講e5可能就是壽比南山這句。到底壽比南山這句成語是按怎來--e5咧?下面欲講--e5就是這e5典故。<br />
<br />
古早時代,佇青卅有一e5衡王,這一工是伊e5五十歲生日,真濟賓客攏來ka7伊祝壽。衡王是一e5貪官,藉著生日,真濟人就愛來送禮,地方上e5人是敢怒不敢言。<br />
<br />
欲晝--a,人客kheh-kheh-kheh,其中大大方方行入一e5衣衫襤褸e5乞者,顧門e5掠準是衡王交結e5奇人朋友,m7敢ka7擋。乞者e5出現,予衡王感覺真無歡喜,佇眾人e5面前又閣m7敢發作。伊看彼e5乞者端坐佇一邊,也無表示祝壽e5意思,就暗示管家去ka7乞者討禮數。乞者ui3 破衫枝 thiah 一塊破布,un3著碗--裡e5酒,向南爿e5天頂畫了幾畫,大聲就講:草民ka7衡王拜壽了,請衡王行出門外,接受草民e5賀禮。<br />
<br />
衡王kah眾賓客行出大門,向南山頂懸一下看,一字金sih sih e5”壽”字出現佇南山頂e5半空中。眾人齊聲喊講”壽比南山”,衡王想講是tu2著仙人a,tu2欲過去ka7伊施禮拜見,卻是這時陣e5乞者m7知走去叨位a。<br />
<br />
人客中間有一e5才高八斗e5文士,突然間講:tu2 tsiah彼e5人一定是八仙之一e5呂洞賓,這時陣,有人發現彼字”壽”字e5內面e5”寸”欠了一點,若按呢,衡王e5壽數敢會是有不足e5所在?衡王一聽,趕緊叫人去ka7呂洞賓jiok轉--來,懇請伊閣再佇壽字頂懸加添一點。呂洞賓目睭kheh kheh,口中唸唸有詞,指頭仔一比,就聽著khiang一聲,彼字壽--字e5一點已經添--起哩a。<br />
<br />
衡王對呂洞賓千恩萬謝,招呼眾人閣再入大廳繼續宴席。衡王入座了後,遂感覺怪怪,大廳--裡假若失落了啥物物件,又閣不便詢問。宴席欲suah e5時,管家e5 雄雄狂狂走來衡王e5耳孔邊,tshi-tshi-tshuh-tshuh講了幾句話,衡王聽了面色大變。原來,管家發現tu2 tsiah登記好,khng3佇庫房e5壽禮,全部攏無--去a。<br />
<br />
這時陣,夫人e5女婢嘛走--過來,講夫人e5金銀首飾攏無--去a,這時陣e5衡王嘛無顧著在座e5親朋好友,起身入去內院查看,m7 na7祝壽e5賀禮kah夫人e5首飾無--去,tsham金庫內底e5金銀財寶嘛攏空空空,也就是講,所有e5錢財完全空a。<br />
<br />
貪財成性e5衡王,看一e5煞gang7去,一口氣喘be7起--來,一tah久nia5,就倒地不起,一命嗚呼哀哉,喜宴遂變做喪宴。<br />
<br />
原來,彼字壽--裡e5一點,就是用衡王厝--裡e5所有金銀財寶點--起哩e5,表示呂洞賓欲予衡王e5貪婪一e5教示,沒想到衡王享受了最後e5一點壽,遂一命嗚呼。<br />
<br />
Ui3彼陣開始,呂洞賓用仙術所寫e5壽字就開始流傳a,漸漸--e5,壽比南山就變成做生日祝壽e5一句祝福語,流傳到tann。<br />
<br />
現此時e5做生日,少年人卡無禁忌,老一輩--e5嘛有人無愛予人做生日,驚講若德行無到遐,做大生日顛倒會tshik著歲壽。Tâi-tang ê Tshong-lîmhttp://www.blogger.com/profile/13796261266474494184noreply@blogger.com3tag:blogger.com,1999:blog-2234846702290506192.post-46030222110915080042010-02-23T14:05:00.004+08:002010-02-28T20:55:23.884+08:00呆若木雞ê故事<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/tai-jiak-bok-ke.mp3&loopMe=no" type="application/x-shockwave-flash" width="30" wmode="transparent">時間:3分54秒<br />
<br />
Ti7古早春秋e5時代,有一e5真gau5訓練相拍雞e5人,叫做紀省子。彼e5時代時行"鬥相拍雞"做娛樂。齊宣王愛sng2鬥相拍雞,就請紀省子為宮廷訓練相拍雞。<br />
<br />
過了十工,齊宣王問講:「相拍雞訓練了按怎?」紀省子講:「Tsit隻雞雖罔勇健好鬥,m7閣虛浮急躁,驕傲e5心性猶未去除--leh。」<br />
<br />
閣過了十工了後,齊宣王問講:「相拍雞訓練了按怎?」紀省子講:「Tsit隻雞猶無夠鎮定,聽著聲就叫,看著影就跳。」<br />
<br />
一個月過去--a,齊宣王be7堪得等,問講:「敢猶未訓練好?」紀省子講:「猶閣未使--得,伊e5氣勢siunn tshia-iann7,外在e5焰氣siunn強。」<br />
<br />
十工後,紀省子抱著彼隻相拍雞來見齊宣王,秉告齊宣王講:「相拍雞訓練好--a,請陛下驗收。」講煞,隨將彼隻相拍雞放--出來,欲kah別隻來比看覓。齊宣王一下看,彼隻雞m7-na7體格無夠粗勇,嘛無敏捷liu2-liah e5動作,一隻戇戇khia7 ti7遐,假若是一隻柴刻e5柴雞--咧。M7閣,別隻雞,看著tsit隻雞按呢,遂驚kah走咧long7,m7敢ua2去伊e5邊--a。<br />
<br />
有一句成語講:呆若木雞,典故就是ui3 tsit e5故事來--e5。<br />
<br />
Tsit e5故事,主要是欲講道家「無為」e5思想,嘛是咧講道家修練e5內涵「性命雙修」。啥物是性命雙修呢?性是內在,就是咱e5自性,自性是本自具在,但是需要悟徹kah修練,內功無修,空有外功,終不可得。只有加強內外e5修為,自性kah形體作伙修煉,內外兼備,tsiah會當達到登峰造極e5境界。清靜章所講--e5,大成若缺,大盈若沖,大直若屈,大巧若拙,大辯若訥,正是此義。Tâi-tang ê Tshong-lîmhttp://www.blogger.com/profile/13796261266474494184noreply@blogger.com3tag:blogger.com,1999:blog-2234846702290506192.post-41183035833589960462010-02-23T14:02:00.002+08:002010-02-28T21:31:46.860+08:00比干剖心肝<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/pi-kan.mp3&loopMe=no" type="application/x-shockwave-flash" width="30" wmode="transparent">時間:6分55秒<br />
<br />
古早古早,ti7商朝e5時代,最後一e5國王號做紂王,咱攏知影,紂王無道,為非亂作,是一e5臭名萬世e5暴君。當時e5紂王昏庸無能,將九尾狐狸精所變e5妲己納入後宮,成作紂王e5愛妃,更加喪德敗行,荒淫無道。另外,紂王重用奸臣費仲kah尤渾,致使朝綱敗壞。<br />
<br />
比干是商紂王e5丞相,嘛是紂王e5阿叔。伊為人正直,處處以國家朝廷為重,時常苦勸紂王就愛遠離美色,清除奸臣,整頓朝綱。為此,妲己等將比干當做是心中石、眼中釘。<br />
<br />
這一工,妲己愁容滿面。紂王非常關切,問講:是to2位無tu2好?妲己m7講,干若流目屎,紂王更加煩惱,一再催問,妲己tsiah講:「妾身紅顏薄命,自細漢致著心疼之病,若發作起來,是痛疼難當,這擺,可能難關be7得過,欲kah大王永別--a!」紂王著急問講:敢無解救e5辦法?「縱然有,大王嘛會m7甘」妲己以退為進。「你盡量講看覓!」紂王非常著急。妲己tsiah講:「我細漢e5時,bat予天神救助過,用玲瓏心肝一片,煮湯食--落去,病就會好--a。」<br />
<br />
紂王派人四界走tshue7有玲瓏心肝e5人,一直tshue7攏無。這一天,二位奸臣來稟報:「陛下,臣等全國走透透,干若tshue7著一e5人有玲瓏心肝。」紂王講:「也m7緊掠--來,通予娘娘治病?」二位奸臣講:「微臣,m7敢!」紂王感覺真奇怪:「朕乃是一國之尊,有啥人通好懼怕?」二位奸臣tsiah講:只有親像比干按呢e5人,有道有德,忠心耿耿,tsiah有一付玲瓏e5心肝。其他攏tshue7無--a。紂王隨派使者,去說服比干,講明因果,希望比干會當以大義為重,獻出心肝,替妲己娘娘治病。<br />
<br />
比干知影這是妲己一干人欲來陷害伊。在此之前,神人姜子牙bat予伊一e5錦囊妙計。使者走了後,伊將錦囊拍開,內面寫講:你會有剖腹取心之大難,內面一張符仔,將伊燒ti7水碗--裡,啉了後,會當暫時保護五臟六腑。你剖腹挖心了後,緊離開朝閣,ti7大街裡,你會tu2著一e5賣無心菜e5人,你就ka7問講,人若無心甘閣會活?伊若應講,人無心欲哪會活,你就穩死--a,伊若應講,無心菜無心就會活,人無心哪會be7活!按呢你就be7死。<br />
<br />
比干啉了符仔水,來到朝閣,手指妲己大罵:你這e5禍國殃民e5賤人,我死ti7你e5手頭,實在有愧於先帝。罵了閣罵紂王:成湯二十八世,斷送ti7你e5手中,非是臣下之不忠!講煞,抽出短刀,剖開家己e5腹肚,申手將心肝挽--落來tan3 ti7塗下,轉身,騎上馬隻,向朝閣響響而出。比干來到街市,na2行na2將身上e5錢財,tan3予khah散赤e5人,尾--a,真正tu2著一e5婦人人大聲leh叫賣無心菜,伊隨停馬,問講:菜無心會活,ah人無心敢會活?婦人人應講:人無心欲哪會活!比干--一下聽煞,大叫一聲,馬上ui3馬頂puah8落馬腳,一命嗚呼!<br />
<br />
比干死了後,昇天作神,也就是現此時,咱民間所崇拜e5文財神。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-47135569649078856542010-02-23T13:59:00.003+08:002010-03-01T21:41:17.573+08:00元神出竅李鐵拐<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/li-thi-kuainn.mp3&loopMe=no" type="application/x-shockwave-flash" width="30" wmode="transparent">時間:6分19秒<br />
<br />
古早古早e5中國,有一e5式族部落e5頭人叫古神氏,伊有修練神仙之法,漢草閣好,伊有一台車,是用六隻生翅e5獨角羊仔來拖車,伊用tsit隻車巡視天下,所到之處,百姓攏真信服--伊。<br />
<br />
古神式活到三百幾歲,感覺家己e5修行無閣進步,所以伊就去拜老子為師,老子將道法傳予--伊,伊尾仔改名作李凝陽,就來到現此時安徽e5碭山隱居修練。<br />
<br />
這一工,李凝陽接著老子e5請帖,邀請伊做伙去遊華山,欲出門e5時陣,伊交代一e5新來e5徒弟:我今仔日欲施展元神出竅e5大法kah我e5師父出遊,假使ti7七工內,我e5元神無倒轉--來,你就將我e5肉體焚化掉。 <br />
<br />
Ti7道家e5修行大法中,元神出竅是一e5大法術。人e5魂是tua3 ti7肺--裡,魄是tua3 ti7肝--裡,魂若出竅,魄就愛顧ti7肉體,假使七工內魂無倒轉來肉體,肉體就開始腐爛,就愛將肉體火化,予魄會當tue3魂去。<br />
<br />
交代完,李凝陽就離開--去,去kah老子遊山玩水囉。新來e5徒弟,顧ti7師父e5軀體邊仔,一時仔就m7敢離開。到了第二工,徒弟e5阿兄,ui3山腳來到山頂揣--伊,講老母破病真沉重,叫小弟緊落山見母親一面。Tsit e5徒弟十分為難,師父e5軀體愛看顧,老母e5病重,嘛be7當無轉--去。最後,伊選擇先轉去厝--裡見老母e5最後一面,才閣拍算。<br />
<br />
徒弟e5厝就ti7山腳,見了母親,盡了孝道,m7敢siunn延tshian5,趕緊閣趕轉來山頂看顧師父e5軀體。M7閣害--啊,師父e5軀體已經去予虎食--去啊,kan-na7 tshun一堆e5殘骨nia5。徒弟非常傷心,只好ka7師父e5屍骨埋葬。<br />
<br />
第七工,李凝陽e5元神轉--來啊,suah揣無軀殼通好活--起來,伊屈指一算,發現伊e5軀體已經去予虎食--去,正是老子ti7欲離開e5時,送伊e5一句話:「欲得舊形骸,正逢新面目。」<br />
<br />
李凝陽e5元神四界漂流,來到一e5山腳,發現一e5 tu2好餓--死e5屍體,伊就跳入去tsit e5軀殼--裡,欲來借屍還魂,伊跳--入去了後,tsit e5餓--死e5人,連鞭就活--起來啊。李凝陽tsit8-e7 peh--起來,才發現tsit e5人原本是一e5 pai2跤--e5。伊來到溪水邊,欲看水影內底e5人生做啥款,tsit8-e7看,thah會tsiah bai2?伊theh8出老子予伊e5仙丹,吞食--落,看會當變轉去原來e5形體be7,結果嘛無效。這時,有人ti7咧吟詩唸講:「草脊茅簷,窗毀柱折,斯室甚陋,何喜獲豐收寄寓!」李凝陽回頭一看,原來是師父老子。老子講:修道人看重e5是心性修持,哪著計較軀體e5 sui2-bai2咧?李凝陽聽師父按呢講,也就接受囉,臨別,老子閣送伊一枝金箍kah一枝鐵拐,金箍通好绑頭毛,鐵拐通好幫助行路。<br />
<br />
從此,李凝陽孤身一人,以乞食e5形象四界遊歷。伊身phainn7一e5葫蘆,四界行醫,幫贊貧困,勸化世人,也就是後來e5人所稱呼e5八仙之一─李鐵拐e5由來。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-87966998921756593592010-02-23T13:53:00.002+08:002010-03-03T21:07:26.690+08:00正陽帝君鍾離權<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/tsiong-li-kuan.mp3&loopMe=no" type="application/x-shockwave-flash" width="30" wmode="transparent">時間:4分1秒<br />
<br />
Ti7 古早e5中國漢朝e5時代,有一e5將軍,叫做鍾離章。伊有一e5後生,叫做鍾離權,鍾離權m7是普通人,是古早e5仙人來轉世--e5,因為鍾離權出世七工內攏be7食奶,嘛be7哭,予鍾離章翁某非常著急,到了第七工,鍾離權忽然間開嘴講話--啊,伊講伊去一e5有寫「玉京」e5所在tshit-tho5,tsiah e5話一講煞,街頭巷尾就han2講鍾離章in 兜出世一e5神童。<br />
<br />
鍾離權漢草be7-bai2,朝廷命伊帶軍防守北方進犯e5胡人,m7閣鍾離權m7是將軍命,一出征就失敗。到了西晉時期,伊又閣被朝廷重用,tshua7兵攻打西爿e5吐蕃,沒想著又閣大敗而歸。經過二次e5戰敗,鍾離權心灰意冷,從此隱遁山林,無欲閣tshap人間世事。鍾離權本來就是仙人轉世,所以真緊就頓悟大道真理,無偌久,就tu2著東華帝君傳授伊赤符玉篆、金科靈文、大丹秘訣、周天火候kah青龍劍法,又閣tu2著華陽真人來助伊修練,所以真緊就修煉成功,成作一e5會當tsiunn7天,抑會當下凡e5人間仙人。<br />
<br />
鍾離權是道教傳說中e5八仙之一,也是道教北五祖之一,全真教派尊稱伊是「正陽祖師」、「正陽帝君」。鍾離權e5畫像通常是袒胸露腹,大目睭,面色紅霓,手夯葵扇。神態自若,豁達自在。鍾離權捌ti7長安e5酒樓e5壁頂題三首詩:<br />
其一:坐臥常攜酒一壺,不教雙眼識皇都。乾坤許大無名姓,疏散人間一丈夫。<br />
其二:得道真仙不易逢,幾時歸去願相從。古言住處連滄海,別是蓬萊第一峰。<br />
其三:莫厭追歡笑語頻,尋思離亂可傷神。閑來屈指從頭數,待到清平有凡人。<br />
<br />
鍾離權姓鍾離,名權,字雲房,又字寂道,號正陽子,又號和穀子,漢朝人。但是嘛有人講伊是五代、宋初e5人。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-34512141079059769172010-02-23T13:49:00.004+08:002010-03-03T21:57:53.232+08:00呂洞賓ê考驗<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/li-tong-pin.mp3&loopMe=no" type="application/x-shockwave-flash" width="30" wmode="transparent">時間:6分12秒<br />
<br />
呂洞賓生ti7富貴e5官宦人家,少年真gau5做生理,所以生活也真富裕,m7閣呂洞賓品性溫良,樂善好施,真受人e5尊敬。呂洞賓到了64歲tsiah考著進士,m7閣伊並無興趣做官。<br />
這一年,呂洞賓遊歷來到長安城,ti7一間旅店tu2著鍾離權,鍾離權感覺這e5人有仙緣,想欲渡伊做仙,呂洞賓是有大智慧e5人,談話中就知影鍾離權m7是泛泛之輩,一心就拜在鍾離權e5門下,想欲tue3伊修行而去。鍾離權刁故意為難--伊,講你e5意志猶未堅定,仙骨猶未大到在,想欲學道,猶閣愛等幾若世人e5輪迴。呂洞賓聽了遮e5話,並無喪氣,顛倒是辭官歸田,專心學道修練。<br />
<br />
有一擺,伊kah一陣朋友出外遊歷,來到荒郊野外,突然間竄出一隻猛虎,逐家攏真著驚,這時陣e5呂洞賓顛倒非常鎮靜,雙手ka7彼隻虎tsah--leh,叫其他e5人攏閃走,家己一e5欲犧牲飼虎來救其他e5人,講來嘛奇怪,這時陣e5虎煞變做非常溫順平靜,閃過這陣人,向邊仔e5方向離開而去,逐e5人這時陣攏真欽佩呂洞賓e5情義。<br />
<br />
這一工,呂洞賓e5長工ti7田園種作,無意間掘著一甕e5珠寶箱,隨時報予呂洞賓知影,呂洞賓ka7伊e5長工講:m7是咱努力得來e5財富,m7通占有,猶是ka7伊khng3轉去原來e5所在khah好。伊e5長工只好閣將遐e5珠寶原封不動ka7 tai5轉去,第二工,伊e5長工be7放心,閣去巡一擺,m7閣khah揣就揣無彼e5 tai5珠寶e5所在,嘛揣無鋤頭掘過e5痕跡。<br />
<br />
閣有一擺,呂洞賓kah伊e5下kha手人去市場買物件,ti7市場煞予人誤會認作賊仔,一寡錢攏去予人搶搶去。物件無買kah半項就倒轉去厝--裡。夫人問伊哪會空手而回--leh,呂洞賓煞講:錢ti7半路仔去予phang3-kian3去。伊ti7市場予人冤枉搶錢e5代誌,一句都無講。<br />
<br />
有一工,夫人倒轉去後頭厝,真tu2好,這一冥來了一e5媠姑娘,講是路頭無方便,想欲借tua3一冥,呂洞賓真好禮ka7伊安tah ti7客房,欲離開e5時,這e5姑娘煞舉止輕浮,對呂洞賓khiu2-khiu2-lak8-lak8,m7閣呂洞賓m7是彼款好色之徒,不但無接受,而且對這e5姑娘嚴正說教,如此這般。<br />
<br />
這四件代誌,其實攏是鍾離權leh對呂洞賓e5考驗。鍾離權非常歡喜,再次下凡現蹤,伊對呂洞賓講:世間e5人,個個被緣塵蒙蔽,be7得跳脫貪嗔癡愛e5種種束縛。你想欲拜我為師,我更加想欲走揣值得傳授e5徒弟。既然你已經通過我e5考驗,為師我非常歡喜,欲閣教你一e5點金之術,通好用來救濟世人,造福眾生。等你三千功八百果若圓滿,我tsiah閣來渡你為仙,你看按怎?呂洞賓俯首稱謝,問講:點金之術所變出來e5黃金,敢永遠攏be7閣變?鍾離權應講:三千年了後,會閣變回原來e5模樣。呂洞賓再次拜謝:如此看來,弟子m7敢領受這e5法術,免得害了三千年後e5人,這種點金之術,有不如無。<br />
<br />
鍾離權聽了非常讚嘆,答應傾全力幫贊呂洞賓修練,呂洞賓也因此修成了正果,成作如今家喻戶曉e5一个得道仙人。Tâi-tang ê Tshong-lîmhttp://www.blogger.com/profile/13796261266474494184noreply@blogger.com2tag:blogger.com,1999:blog-2234846702290506192.post-90673018101246895032010-02-23T13:44:00.001+08:002010-02-25T21:11:31.714+08:00文昌帝君ê故事 Ti7中國宋朝時代,有一e5大文學家,叫做蘇洵,有一暝,伊夢著一e5高人,自稱是張亞子,手theh8一付弓箭,對著天頂連射二箭。蘇洵m7知啥物意思,恭敬問伊原由。M7閣張亞子無講kah半句話,隨就隱身而去。過了無偌久,蘇夫人就連sua3生了二e5後生蘇軾kah蘇轍,二e5後生大漢了後,仝一年參加科舉考試,雙雙考tiau5進士,連同蘇洵三e5人,一門三進士,一時轟動了朝野上下,嘛是歷史上e5一个美談。<br />
<br />
Ti7古早e5社會,m7管是在朝e5文武百官,抑是社會上e5富商仕紳,攏是天頂e5星宿下凡轉世而來--e5。M7閣,天頂e5星宿若欲下凡到人間,必須經過天門這一關,管理天門e5正是天狗星。天狗星本底是天門e5守衛而已,地位卑微,m7閣隨著天星下凡e5眾星宿愈來愈濟,天狗星煞愈來愈hiau5-pai,處處刁難,甚至予已經下凡e5星宿ti7凡間be7當發揮,成做一e5默默無聞e5凡夫而已。<br />
天狗星e5行為,予凡間望子成龍e5父母非常e5不滿。星相學家只好ti7天狗星e5頭殼頂,tshue7一粒比天狗星閣khah光e5天星,號名作弧矢星,意思是欲予天狗星一e5警告,m7通閣再為難天頂文武眾星宿e5下凡。M7閣,天狗星hiau5-pai慣習,煞 m7驚弧矢星e5警示,猶原是積習難改,無視弧矢星e5存在。<br />
<br />
凡間e5人,愈來愈袂當忍受,紛紛請求玉帝做主,要求撤換天狗星。玉帝知影了後,也非常震怒,命令派駐凡間e5梓潼神張亞子處理這件代誌。梓潼神是專門掌管凡間文人e5功名利祿,凡間人稱呼做文神。梓潼神張亞子忍無可忍,只好theh8出伊e5射天本領,ti7一e5暗暝,開二箭,將彼e5 hiau5-pai e5天狗星解決tan3掉。<br />
<br />
蘇洵回想起十外冬前e5彼場夢境,tsiah知影原來張亞子就是梓潼神,伊射e5 he二箭,就是欲予伊二个後生e5二箭。其實,是tu2好天庭欲派二个文曲星下凡,tu2著張亞子射死天狗星,這一幕去予蘇洵e5夢境tu2--著,順tsit e5勢,m7 tsiah會二个文曲星攏降生ti7蘇洵in兜,真正是千載難逢e5巧合啦。<br />
<br />
張亞子thai5死天狗星,玉帝一點仔都無受氣,顛倒將伊召回天庭,加封伊做祿神。祿神就是祿星,位置ti7北斗七星e5正對面。所以,文星嘛是祿星,也就是文昌帝君,文昌帝君e5邊a,有二个童子服伺,一个是臭耳聾,一个是啞kau2,俗稱是天聾kah地啞。是按怎哪會派天聾kah地啞服伺文昌帝君--leh?因為文昌帝君就是文武百官朝廷考試e5主考官,考題是袂當洩漏--e5。到kah現在,真濟學生欲考試,嘛攏會來到文昌帝君e5神尊面前,恭請帝君加持kah保庇,予考生會當成功順利。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-31561006724990001142010-02-23T13:40:00.001+08:002010-02-25T21:19:32.231+08:00老子kah常樅ê故事 《說苑》是中國漢朝時代劉向所著e5一本冊,內底有記載一e5故事。故事講:常樅是老子e5老師,常樅已經老--a,而且又閣破病kah真傷重,老子非常著急,趕去探望伊e5恩師。老子想講恩師這擺病kah tsiah傷重,m7知有啥物通好傳予後世e5修行真言欲交代--e5?常樅就講,免你開喙,我嘛欲交代一寡話予你。我先問你一个問題,你敢知影是按怎子路經過伊e5故鄉e5時陣,無欲坐馬車,欲落來用行--e5?老子應講,這是子路咧提醒家己m7通忘本。老師真滿意,繼續問講,有德行e5人,若tu2著大樹,攏會向前ka7大樹行禮致意,這是啥物意思?老子回答:大樹e5年歲比咱khah大,咱愛會曉尊重老大人。常樅真歡喜,ka7伊e5喙開開,問老子講:我已經tsiah老--a,又閣定定破病,你看我e5喙舌猶有ti7--咧無?老子回答:有啊,原本好好。常樅閣問講:啊我e5喙齒--咧?老子看看咧講:你e5喙齒攏落了了--a。常樅追問,哪會按呢?老子想想咧講,喙舌khah柔軟,所以會當生存khah久,喙齒會落了了,是因為伊ting7-khok-khok,所以khah be7久長。常樅聽了後,會心而笑講,我欲交代e5話,你攏了解--a。這就是後來e5人所定定講e5「舌存齒亡」e5典故kah意涵。<br />
<br />
老子道德經第八章講,上善若水,水善利萬物而不爭。就是講,上介有智慧e5人,為人處世假若像水hiah呢柔軟,因為水是柔軟--e5,所以閣khah剛強e5刀槍嘛無法度ka7水切斷,華語講「抽刀斷水水更流」。啊若nge7-tu2-nge7 e5刀仔相刣,一定是非你死便我亡,這m7是道家e5處事思維。水善利萬物而不爭,就是講,水會當滋養萬物,你看地球上e5生物,佗一種會當無水閣有法度生存--e5?水會當利益眾生,m7閣攏be7邀功,上介謙虛,定定處ti7上介ke7 e5所在。「處眾人之所惡」,就是眾人無愛e5所在,眾人無愛e5處境,水攏無嫌bai2,這也就是道家為人處事e5最高境界。有人會誤解柔軟就是柔弱,其實m7是,柔軟是一種對道e5體用,是處事e5態度,表面上,假若真虛弱,事實上,柔中帶有真強,也就是「以柔克剛」e5真實剛強。有道行e5人,注重內聖e5剛強,無道行e5人kan-na7看著表象而已。<br />
<br />
修道講來嘛真簡單,凡是社會一般人e5價值觀,多數是背道而行--e5。社會人o-lo2人「巧」,徛ti7道e5立場,「巧」指e5是奸巧。畢竟,大智若愚,大巧若拙,才是老子教予咱e5正確人生觀。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-85880146405077300942010-02-23T13:35:00.008+08:002010-02-28T10:55:23.299+08:00黃粱一夢<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/hong-liang-it-bang.mp3&loopMe=no" type="application/x-shockwave-flash" width="30" wmode="transparent">時間:7分9秒<br />
<br />
佇中國ê歷史上,有三个足有名ê「夢」ê故事,一个是莊周ê蝴蝶夢,一个是淳于棼ê南柯夢,另外一个是下面欲來講ê邯鄲一夢,又號做黃梁一夢。 <br />
<br />
唐朝時代,有一个書生,姓盧,生活困苦,閣考運無好,每一擺tsiūnn京考試,就攏名落孫山。古早,一般人若欲功成名就,多數愛參加鄉試,取得秀才ê身分,毋閣秀才無地位,就愛經過京試,取得全國考試ê前三名,號做狀元、探花kah榜眼,tsiah有大官通做。<br />
<br />
這一年,盧生又閣欲tsiūnn京趕考,這一工來到邯鄲城,天亦欲暗--á,就凊彩揣一間客棧tuà--落來,噃咐店家傳暗頓,客棧閣有另外一个人客tī遐歇睏,店頭家就替怹兩个無閒暗頓。盧生一路風塵僕僕,坐tī撐椅--裡,一下thiám,真緊就睏去--á。<br />
<br />
隔工ê透早,盧生就一路趕來到京城,參加考試。這一擺,伊真幸運,考著了狀元。無偌久,盧生就tī京城做了大官,閣起一間真sù-sī ê狀元府,而且,嘛娶了皇上ê查某囝,做起了駙馬爺,第二年,生了一个後生,會使講是飛黃騰達,不可一世。<br />
<br />
這一年,北爿ê胡人時常侵入地界,擾亂百姓。皇帝命令伊tshuā兵五萬去攻打胡人,無偌久ê時間,盧生就將胡人拍敗,凱旋而歸。京城ê百姓,張燈結綵,拍鑼lòng鼓,弄獅kah弄龍來kā迎接,盧生胸坎結一蕊大紅花,騎著一隻大馬響響而來,沿路ê百姓,kā鮮花擲tī馬前,一路處處都是花芳,盧生意氣風發,神采飛揚。<br />
<br />
皇上賜予盧生大遍ê土地kah田園,無幾年ê時間,盧生就已經家產萬貫,非常好額。伊ê官運亨通,一路升官做到宰相ê大位,官位之大可是一人之下,萬人之上。這幾年,公主嘛替伊生了幾若个囝兒,其樂融融。人生到此,夫復何求?<br />
<br />
常言道:月盈則虧,水滿則溢。正當盧生飛黃騰達之際,朝廷卻發生了內亂,皇上予人掠去軟禁,身為前朝重臣ê盧生嘛袂當安然無事,伊ê家產予人充公,奴婢囝兒予人掠去充軍,公主去予亂軍刣死。盧生一夜之間,uì朝廷大臣,變作平民百姓,伊流離失所,乞食為生。<br />
<br />
寒天到--啊,盧生身穿薄衫,寒kah khū-khū-tsun,伊來到一个大戶人ê大門口,想欲入去bih一下啊風雪,毋過suah予顧門ê人戽--出來。伊實在tsì-tsài袂tiâu,一下無好勢,puah8倒tī土腳兜。伊唉唷一聲,遂uì夢境裡醒--過來。<br />
<br />
盧生四界一看,eh!這敢毋是客棧,伊一个人倒tī椅條頂懸,仝房ê人客閣掠伊金金看,原來拄才ê情景攏是一場夢。這時陣,店頭家ê黃米飯猶未煮熟,仝房ê人客嘛猶咧等候。伊看盧生醒--起來,開喙講:你拄才做ê夢,浮浮沉沉,人ê一生短短幾十年,你一搭久啊就kā夢煞--啊。人ê一生就假若是眠夢仝款,榮華富貴原來嘛是一場空,何必著苦苦追求咧?<br />
<br />
盧生聽了大驚,問講:你哪會知影我拄才做一个夢?彼个人應講:在下魯鈍,毋閣捌一寡練丹之術,人生如夢,我看你雖是一表人才,毋閣猶是隨我入山修練好--無?<br />
<br />
原來,這个人就是呂洞賓,伊看盧生有仙緣之骨,特別施法欲來渡伊--ê。盧生經過拄才彼場夢,才大徹大悟,隨著呂洞賓修道而去。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-73255390957900164152010-02-23T13:30:00.001+08:002010-02-25T21:45:13.918+08:00庭前生瑞草,好事不如無 昔時賢文內底有一句詩句講:庭前生瑞草,好事不如無。真濟人毋知影這是啥物意思,下面就欲來講這个故事。<br />
<br />
瑞草是一種真特別ê花。好事是講tsit欉瑞草花,香有七里路,而且這欉瑞草花特別卡美。因為這欉瑞草花特別無仝款,所以厝頭家就用籬笆kā圍--起來,欲看瑞草花ê人,就愛phah票才會當看。消息傳--出去,欲看瑞草花ê人是挨挨陣陣,逐家都想欲來看,he香有七里路,干焦鼻著香,無看見花蕊ê人攏足想欲來看--一下。因為按呢,厝頭家忽然間就賺了真濟錢。<br />
<br />
佇幾若冬前,有一个阿伯--á,伊有一个後生,出門去某一个縣咧做生理,開始ê頭幾年,攏有咧寫批,書信來往,尾--á這幾年,煞無消無息,阿伯--á足數唸伊ê後生,就起身欲來去揣伊ê後生,拄好行到這ê庄頭,聽人講有一欉瑞草花真香真美,阿伯--á嘛拍了門票,欲入來kā看覓。Siáng(啥人)知影阿伯--á看了這欉瑞草花了後,煞見景傷情,流下了傷心ê目屎,因為伊ê後生,名嘛號作瑞草,這欉瑞草花這香這媠,予伊想著伊ê後生,攏無消無息,人毋知佇叨位。阿伯--á ê目屎一滴一滴,滴落瑞草花ê頂懸,才一搭久niâ,彼欉瑞草花煞就按呢lian--去啊。這時陣,顧花ê主人真無歡喜,大聲喊講:「我這欉花這香這媠,人是相爭欲來看,你卻是佇遮哭,哭一ê害我ê花煞謝謝lian lian--去」伊真毋願,一定欲叫阿伯--á賠錢,毋閣阿伯--á講伊是一ê出外人,嘛無什麼錢通賠伊。主人家就按呢kā阿伯--á送去官府,欲予官府來辦理。去到縣官遐,縣官問阿伯--á講:阿伯--á你哪會遮愛哭,人he瑞草花開kah媠媠,哪有什麼好哭--咧,hânn?阿伯--á吐一ê大氣,就講:大人啊,你就愛同情--我,我有一ê後生,伊ê名嘛號作瑞草,出門去外縣市做生理,已經幾若年攏無消息啊,我就是欲來去揣我ê後生,經過這ê庄頭,聽人講,這个所在有一欉真香真媠ê瑞草花,我就按呢入來kā看覓,無想著講,一下入--來,看著遮爾媠ê花,煞見景傷情,忍不住流落了傷心ê目屎,我毋是刁持ê啦。這个時陣,縣官想想--咧,就tshuā人來到主人怹兜,kā伊ê部下講:來--啊,去kā彼欉瑞草花挖--起來,看塗跤底有什麼物件。結果,花欉下跤是一个已經thūn掉ê古井。縣官叫人繼續kā挖--落去,liú一二丈了後,才發見一具人ê死體,拖--起來一下看,死體閣無爛去。縣官就叫阿伯--á來看覓,阿伯--á一下看,就大聲號,講:大人啊,伊就是我ê後生瑞草啦!縣官辦到這,隨喊講:升堂!對主人kā掠--起來,也順紲kā厝邊頭尾ê人攏kā調uá--來。縣官就問厝邊隔壁ê人講:這个人過去是咧做什麼頭路--ê?逐家都講:伊卡早都咧kâng剃頭,開剃頭店啦。幾若年前,剃頭店就無開啊啦。這ê時陣,縣官就問頭家講:你開剃頭店都好好,是按怎欲關店,是按怎欲kā這ê井thūn--起來?即時陣ê厝頭家就著驚--啊,inn-inn ònn-ònn,會講嘛袂完全啊。縣官追問講:這个人死佇你ê古井底,是毋是你kā害--死ê?若無,哪會死佇你ê古井底?這个厝頭家,最後才承認講人是伊刣--ê,伊講:幾若年前ê有一天,天落大雨,店--裡無人客,tú好有一个少年--ê擔著一擔布,看--起來假若真重ê款,我臆內面一定囥真濟銀兩。我頭ná剃,ná探聽伊ê底細,知影伊是一个趁著錢ê生理人了後,我就起了貪念,外口雨落這大,也無其他ê人客,我就趁kā伊修面ê時陣,用剃頭刀uì伊ê am-á-kún就kā liô--落去。這个人客死了後,我就kā伊ê死體擲落去古井底,閣kā古井thūn--起來,血水攏洗乎清氣。uì彼工開始,我就kā店關--起來,無閣再剃頭啊。最近,我發現原來古井ê所在生一欉花,這欉花嘛毋知哪會這媠這香,我就凊綵kā號做瑞草花,哪會知影代誌會變kah按呢!<br />
<br />
當然,尾--啊,這个刣人ê頭家一定愛受著國法ê制裁。這就是「庭前生瑞草,好事不如無」ê典故。Tâi-tang ê Tshong-lîmhttp://www.blogger.com/profile/13796261266474494184noreply@blogger.com2tag:blogger.com,1999:blog-2234846702290506192.post-78513356996365285142010-02-23T13:25:00.001+08:002010-02-25T21:57:58.612+08:00何仙姑傳奇 佇道教傳說ê八仙之中,何仙姑是唯一ê一名女仙人,關--係何仙姑ê傳說有真濟,一種講法是講何仙姑原本姓趙,因為手theh8荷花,荷kah何仝音,後來ê人就叫伊是何仙姑。毋管佗一種講法,仝款--ê是何仙姑是出世佇唐朝時代ê人,下面就來講這个故事。<br />
<br />
現此時ê河南,瀟湘二水會合ê所在,古早號做零陵,傳說上古時代ê舜帝就是埋葬佇零陵ê九巍山。零陵ê西爿有一座盛產雲母石ê雲母山,山中一條清澈ê小溪,是為雲母溪。溪邊tuà了幾若戶ê農家,某一工,佇田--裡做穡ê人,看著何--家ê厝頂懸籠罩著一層真媠ê紫氣,一群ê仙鶴佇紫氣ê四khoo圍,飛來飛去。一隻花鹿仔āinn著一个穿紅衫ê查某囡仔,一直uì何--家走--入去,彼下晡,何--家真正生落了一个查某囡仔,號名做何瓊。<br />
<br />
莊--裡ê人攏認為何瓊是仙人來轉世--ê,毋過孩童時代ê何瓊kah其他ê囡仔並無啥物無仝,仝款是愛哭閣愛tshit-thô,不二過,何瓊漸漸大漢,嘛愈來愈乖巧,毋nā會讀冊,閣會kā父母鬥做khang-khuè。<br />
<br />
十三歲彼年ê有一工,何瓊kah著仝伴--ê去山頂挽茶,一下失注意,煞kah仝伴--ê走散去,一ê人佇山頂揣無路通轉--來,過了一暝一日,伊又閣寒又閣iau,坐佇大石頭頂,起聲大號--起來。這个時陣,拄好呂洞賓下凡經過遮,伊送一粒仙桃予何瓊食,而且報伊轉去ê路,離開ê時,交代伊愛定定來這ê所在,講伊有仙緣,欲教伊修道之法。<br />
<br />
何瓊照著呂洞賓ê指示,真緊就轉來到厝,彼一暝,何瓊做了一个夢,夢見有仙人教伊食雲母粉ê方法,食了雲母粉會當身輕如燕,展翅而飛。第二工,何瓊依照仙人ê指示,來到雲母山,採食雲母粉,食了後,照著仙人ê方法練飛,果然,伊會當親像鳥仔仝款,佇天頂飛來飛去,伊非常ê歡喜。<br />
<br />
從此以後,何瓊ê言行舉止漸漸神秘,伊定定去真遠ê所在採集奇珍異果轉來孝敬厝--裡ê序大人,嘛時常採集藥草轉來予莊--裡ê人治病,有時陣就佇山頂隨著呂洞賓修練道術。除此以外,何瓊閣會替人預測人事未來,當地人攏稱呼伊是何仙姑。<br />
<br />
消息真緊就傳到長安城,這時陣正是大周武則天ê時代,武則天派人賜伊一su朝霞服,何瓊穿了朝霞服,仙氣非凡,附近ê人e-e-陣-陣,攏欲來頂禮kah膜拜。嘛有人想欲來講親情,毋過這時陣ê何仙姑已經漸漸脫離凡塵,伊無想欲嫁--人,歸工毋是入山修道就是挽藥草為人治病,自得其樂。<br />
<br />
這一年,武則天派人邀請何仙姑進宮,談論長生之術。何仙姑苦勸武則天,身為一國之君,愛多行善事,積德修福,更愛以蒼生百姓為念,施行仁政,以民為本。武則天雖然本性難改,毋過,伊uân-nā尊重仙姑ê開示,做了袂少ê改革。<br />
<br />
二十六歲彼年,何仙姑修行圓滿,佇零陵ê鳳凰台,隨著前來渡化ê李鐵拐升天而去。Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-3485399209487812392010-02-23T13:19:00.001+08:002010-02-25T22:07:47.229+08:00神機妙算黃妙應 佇勘輿學(kham ú hak8)內底,講究ê是天時、地利kah人和ê配合。三國時代,曹操會當雄霸北魏,是因為得著天時,東吳孫權會當獨霸江東,是因為得著地利,若劉備會當得荊州而不敗,是因為得人和。漢朝末年ê三國鼎立,就是因為勘輿學所講ê這三項要素,分別予三个國主得著,而且勢均力敵,歷史上才會出現這个有名ê朝代。<br />
<br />
唐朝ê末年,出世一个真出名ê地理師,叫做黃妙應,又名涅槃和尚、慧日禪師,相傳是福建泉州蒲田人。黃妙應是一个出家人,毋過真奇怪,伊剃度了後無欲穿袈裟,不受具足戒。佇閩南一帶為人看風水,定定都出語成讖,歷歷如卷,妙奪天工。涅槃和尚兼具禪師kah風水師ê雙重身份,是佛教本土化、世俗化,並且kah民間信仰漸趨融合ê典型人物。<br />
<br />
黃妙應一出世就無老父啊,而且一出世就得著軟骨症,二、三歲啊猶袂曉行路,嘛袂曉徛。伊ê老母無法度,將伊寄飼佇一間廟寺。黃妙應逐工佇廟寺ê前後庭院生活,食飯ê時陣,伊攏佇一个水池仔邊食,ná食,飯ná落落去水池仔底,拄好通飼池仔底ê一隻龜,日子一下久,彼隻龜煞成做黃妙應上好ê朋友。<br />
<br />
時間過得真緊,目一下nih,已經啊過了二十年。這一工,彼隻龜煞會開喙講話,伊開喙kā黃妙應講:你已經得欲出頭天啊!我是一隻佇這修練ê龜精,明仔載午時三刻就欲升天啊,佇升天進前,我會流目屎,你會當將我ê目屎ueh起來拭佇你ê目睭--ni,左目拭左目,正目拭正目,了後,正目會當觀天象,左目會當觀地理。第二工午時一到,黃妙應看著彼隻龜真正咧流目屎,伊就kā龜ê左蕊目睭ê目屎拭佇家己ê左蕊目睭頂懸,正蕊目睭就無閣拭啊,想講,兩粒目睭若攏拭,毋抵好若攏失明無看--ìnn,這馬軟骨就咧淒慘啊,啊若雙眼閣失明,毋著閣卡淒慘。突然間,黃妙應ê歸身軀筋骨開始疼--起來,閣無外久,漸漸袂疼啊,筋骨感覺硬-tsiānn-硬-tsiānn,出力kā徛起來看覓,ēe..,煞會當徛--起來,行看覓,閣會當行喔!伊才想講正蕊目睭猶未點咧,翻頭一下看,彼隻龜也已經升天而去。<br />
<br />
從此以後,黃妙應就以替人看風水地理為生,非常ê出名。有一工,伊ê阿兄問伊講:小弟啊,你這呢gâu看風水,哪毋替咱ê祖公仔揣一个好風水?黃妙應應講:好是好啦,毋閣,恐驚咱無彼ê福氣通享受!第二工,兩兄弟啊就kā祖公仔ê黃金甕仔挖--起來,欲揣一个好地理來埋葬。行啊行,來到一个大榕仔跤,天色也已經暗啊,黃妙應講:暫時咱就將黃金khǹg踮遮,明仔載才閣來揣。第三工,二兄弟來到--地,黃金甕仔煞無--去啊,阿兄講:tann欲按怎?黃妙應講:地理已經予咱得著啊,所以黃金嘛升天啊。阿兄聽著煞半信半疑。<br />
<br />
經過了一年,黃妙應ê阿嫂懷胎十個月得欲生產啊,黃妙應算算咧,顧佇厝--裡,毋敢離開三腳步,驚出門就出代誌。毋閣,來央請伊看風水ê人,再三懇求,黃妙應袂堪得人ê姑情,就按呢出門去囉。拄好黃妙應一踏出門無外久,伊ê阿嫂就生啊。頭一个生ê是查甫ê,毋過干焦一蕊目睭,而且一出世就會講話,講:一眼觀天象!怹老爸聽著驚一著,講這是一个妖怪,隨就kā tēnn--死。無外久,又閣出世一胎查甫ê,這个干焦生一隻手,而且嘛會講話,講:一手打天下!怹阿爸聽著驚kah皮皮tshuah,哪會見生都妖怪,這个嘛kā拍--死。煞--落來,又閣生了第三胎,這胎,五官端正,眉清眼秀,看著斯文斯文,一出世就開喙問講:啊大哥kah二哥咧?怹老爸應講:都攏予我拍--死啊,這个囡仔一下聽講大哥kah二哥已經死啊,煞咬舌自殺,嘛是死!<br />
<br />
黃妙應代誌辦煞,隨就趕轉來到厝,問講情形按怎?怹阿兄講:啊就連續生三个,如此這般。黃妙應真無奈,應講:無福氣就是無福氣,縱然揣會著好地理,嘛無一定得會著福報。正是:福地福人居,無福別人得,只恨枝無葉,莫怨太陽偏!Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-75931588694035339202010-02-23T12:41:00.001+08:002010-02-26T09:27:48.001+08:00女人莫學買臣妻<span style="color: #663366;"> 頂一回咱講民間流傳著一句話:男人莫效百里奚,女人莫學買臣妻。百里奚ê故事頂一回講了,這回欲來講買臣妻ê故事。</span><br />
<br />
<span style="color: #663366;"> 漢朝ê時代,有一个貧窮ê書生,名叫朱買臣。朱買臣真愛讀冊,逐工都kā冊攬牢牢,伊逐工攏去野地抾柴,柴ná抾喙--裡詩詞文句就ná唸,抾ê柴揹去街市賣,所趁ê是m̄成錢,干焦勉強會當度三頓。朱買臣有娶一个某崔--氏,逐工kah朱買臣出去抾柴,毋過,崔氏毋是遐爾啊安貧kah樂道,伊逐工出門就se̍h-se̍h唸,罵朱買臣是一个戇書生,干焦會曉讀冊,無才調趁錢,逐年ê鄉試,逐年都落榜,叫伊換頭路閣毋肯。伊按呢逐工唸逐工吵,朱買臣ê心意攏無改變,顛倒苦勸怹某著愛忍耐,總有一工,伊一定會考著功名,予怹某過著榮華富貴ê日子。</span><br />
<br />
<span style="color: #663366;"> 毋過崔氏漸漸失去耐性,伊聽從媒人婆ê使弄,想欲閣嫁予一个賣豬肉ê,若按呢,伊就逐工有豬肉通好食,毋免kah朱買臣食kah鹹酸苦tsiánn,閣穿kah衣衫襤褸。有一工,伊正式kā朱買臣講出伊想欲閣改嫁ê心內話,向望朱買臣會當成全伊,mài kā伊為難。朱買臣聽了非常ê傷心,就kā崔氏講:伊捌予人算過命,將來一定會飛黃騰達,請你閣忍耐--幾年啊。毋過,這時陣ê崔氏是食了秤錘,鐵了心腸,伊堅持欲自請休妻,向望朱買臣會當成全。朱買臣不得已,只好kā離婚書寫予伊。</span><br />
<br />
<span style="color: #663366;"> 崔氏自從kah朱買臣離婚了後,真緊就嫁予彼个刣豬賣豬肉--ê,果然無錯,賣豬肉卡有豬肉通食,有影卡好過日。毋過,才無幾年niâ,賣豬肉ê翁煞破病,無氣力通好刣豬,手頭愈來愈ân,日子一工比一工卡歹過,人講,命若bái,閣嫁幾个嘛是歹命。閣無偌久,怹翁煞來過身--去,崔氏尾仔散kah不度,只好流落街頭,乞食為生。</span><br />
<span style="color: #663366;">朱買臣自從休妻了後,顛倒是兩耳清靜,會當清心讀冊,伊歡喜讀甘願讀,無怨無悔。過了沒幾年,伊終於考著舉人,做著會稽ê太守,太守ê地位比縣官卡大,就親像tsit-má ê省長欲仝款。朱買臣上任彼一工,鑼鼓隊佇頭前開路,tshinn-tshinn-tshann-tshann,非常鬧熱,朱買臣騎佇一隻大馬頂,邊仔tuè著一陣ê官衙護衛,威風凜凜。</span><br />
<br />
<span style="color: #663366;"> 崔氏探聽著伊ê前夫朱買臣考著功名,衣錦還鄉,感覺真懊惱真後悔。伊閣想欲kah朱買臣破鏡重圓,所以伊就來到朱買臣se̍h街ê大路--裡,跪佇路中央求情。朱買臣停馬--一下看,原來是前妻崔氏,崔氏跪佇土腳苦苦哀求,希望朱買臣會當原諒伊過去ê絕情。毋過這陣ê朱買臣已經毋是卡早彼个朱買臣,伊隨喝下跤手人捾一桶ê水來,就向著崔氏講:這桶水kā潑去這隻馬ê頭殼頂,你若會當將潑--出去ê水攏閣kā收倒轉來,我就收留你,若無,請你勿閣來膏膏纏。崔氏將水潑上馬ê頭殼,sîn轉來ê水,三分都無一分。當然,潑--出去ê水欲哪有可能閣收倒轉來,崔氏只好恬恬來離開。</span><br />
<span style="color: #663366;"> </span><br />
<span style="color: #663366;"> 這个故事亦就是「覆水難收」ê典故。</span>Tâi-tang ê Tshong-lîmhttp://www.blogger.com/profile/13796261266474494184noreply@blogger.com0tag:blogger.com,1999:blog-2234846702290506192.post-11898300826218565232010-02-23T12:23:00.003+08:002010-02-28T22:10:38.760+08:00男人莫效百里奚<span style="color: #274e13;"><strong>欲用聽--ê tshih遮→</strong></span><embed bgcolor="#9000A4" height="30" pluginspage="http://www.macromedia.com/go/getflashplayer" quality="high" src="http://www.gsk.org.tw/mp3s/wimpy_button.swf?theFile=http://www.gsk.org.tw/taigi/pik-li-he.mp3&loopMe=no" type="application/x-shockwave-flash" width="30" wmode="transparent">時間:6分51秒<br />
<br />
百里奚,五羊皮,憶前時,烹伏雌,炊扊扅,今日富貴忘我為!<br />
Pik lí hê, ngó iông phî, ik tsiân sî, phing ho̍k tshú, tshui iám î, kim ji̍t hù kuì bōng ngó uî!<br />
百里奚,五羊皮,父粱肉,子啼饑,夫文繡,妻游衣。嗟乎,富貴忘我為?<br />
Pik lí hê, ngó iông phî,hū liâng jio̍k, tsú thê ki, hu bûn siù, tshe iû i, Tsia--hoo hù kuì bōng ngó uî!<br />
百里奚,五羊皮,昔之日,君行而我啼,今之日,君坐而我離。嗟乎,富貴忘我為?<br />
Pik lí hê, ngó iông phî,sik tsi ji̍t, kun hîng jî ngó thî, kim tsi ji̍t, kun tsō jî ngó lî, Tsia--hoo hù kuì bōng ngó uî!<br />
<br />
頂懸三tsuā詩詞是百里奚ê夫人杜氏所唱ê歌詞。翻作白話,意思是講:<br />
百里奚啊百里奚,想起早前你欲離開彼當時,我刣雞母,拆門閂煮飯為你餞別,今仔日你得著榮華富貴,敢是kā我放袂記?<br />
百里奚啊百里奚,你做老父--ê有飯有肉,恁囝是枵飢失頓,你做翁婿--ê穿kah媠媠,我做某--ê是衣衫襤褸。唉呀,你得著榮華富貴,敢是kā我放袂記?<br />
百里奚啊百里奚,想起早前你欲離開彼當時,你ná行我ná哭,今仔日你坐佇遐,離我遠遠遠。唉呀,你得著榮華富貴,敢是kā我放袂記?<br />
<br />
佇2700年前,是中國ê春秋時代,有一个真出名ê大夫叫作百里奚。百里奚出世佇虞國,自細漢就無老父,kah老母過著艱苦ê日子,m̄閣百里奚認真讀冊,向望有一工會當入朝為官。到了三十幾歲,無人知影百里奚ê才華,母仔囝猶原過著貧困ê日子,彼一年,老母用全部ê家產,五領ê羊仔皮替伊娶杜氏為妻,生了後生孟明,日子猶原不度。百里奚決定欲離開故鄉去外面拍拼。<br />
<br />
百里奚來到了齊國,m̄閣百里奚初出茅廬,無人欲引薦,又閣來到宋國,拄著一个知音叫蹇叔,蹇叔將伊推薦予虞國大夫宮之奇,從此,百里奚做了虞國ê大夫,這中間,已經是過了十年啊。百里奚做官啊,所以伊就轉去故鄉,欲tshuā伊ê老母kah某囝上京,m̄閣,這十年來,故鄉拄著大天災,老母已經死啊,某囝嘛不知下落啊。<br />
<br />
百里奚雖然是大夫,m̄閣虞國國君昏庸,m̄聽百里奚kah宮之奇ê諫言(唇亡齒寒),煞予晉國來滅亡,百里奚煞成做晉國ê戰俘,變做一个奴隸。這時陣,晉國西爿ê秦國穆公向晉國求親(秦晉之好),百里奚成做一个陪嫁ê奴隸,心有不甘,佇半路就逃走,輾轉來到楚國,為楚國管理馬牛。秦穆公探聽出百里奚是一个不可多得ê人才,用計以五領羊仔皮去kā百里奚買--轉來。秦穆公重任百里奚做宰相,無幾年,秦穆公國力大增,成做歷史上ê春秋五霸。<br />
<br />
百里奚完成了少年時代ê夢想,m̄閣這時陣ê百里奚已經七十外歲啊,想起少年時陣,妻離子散,心情就鬱卒難以開朗。話講轉來百里奚ê家後杜氏,三四十年來,不時就咧揣伊ê翁婿,這擺,予伊探聽著秦國ê宰相號做百里奚,伊才揣機會進入宰相府,彈琴予百里奚聽,歌詞正是:百里奚,五羊皮,憶前時,烹伏雌,炊扊扅,今日富貴忘我為…。<br />
<br />
翁某分開四十年才閣相認,莫怪民間流傳著一句話講:男人莫效百里奚,女人莫學買臣妻。Tâi-tang ê Tshong-lîmhttp://www.blogger.com/profile/13796261266474494184noreply@blogger.com2